Arbores in nebula

Arbores in nebula

nigre contra gris

gris contra grisastre

Indistincte ben que proxime

Invisibile in distantia

Le nebula cela

le contornos del bosco

Esseres incognite

vade furtivemente inter truncos

An es vespere

o matino?

Le horologio se ha arrestate

ma mi passos

continua echoar in le nebula

Le facie del nocte

Le nocte me tendeva su mano gelide

"Benvenite a mi tempore", ille diceva

"Tu potera vider nemo

e nemo te videra

Si tu es sensate, tu reposara

Si tu cercara le porta, tu plorara"

Le facie del nocte manca tractos

solo le oculos brilla como stellas

Ex le bucca aer glacial flue

Le luna es su lanterna

Quando le nocte se sede presso le lecto

mi mente quita le corpore

Illo vade via a mundos irreal

ubi illo se rememora le radios diurne

Le nocte silentemente
specta al corpore exanime

Conta su halitos

Quando ille ha audite
cinque milles exhalationes

ille glissa via

e in vice veni le alba

que susurra a me:
"Reveni a tu domo!"

Le somnophagos

Le somnophagos ede mi incubos

Nunquam illos devenira sature

Illos ambula in le cameras quando io dormi

Illos vocifera si disturbate

Circum lor buccas il ha sanguine sic

Esque illos de novo ha sete?

Mortos vivente

Le mortos son plus numerose
que le viventes
Le terra es plen
de lor tracias
Nos lege lor libros,
inhala lor aer

Le mortos ancora vive
e le viventes tosto morira