Feb 12, 2018

Perdite seniora



Yo memora quando tu
esseva hic presso me
Plure annos ha passate
Toto yo ha memorate

In le nocte camminante
sub le stellas scintillante
tote cosmo amante
nos esseva brillante

Choro:
Ha tu jam me oblidate?
Olim yo te ha amate
e te ama ancora,
mi perdite seniora

Tu basios: dulce, molle
Tu bucca: plen de melle
Tu lecto: un paradiso
plen de joia, plen de riso

Voces consolante

Voces consola
parla e canta
continuemente
Illos seda mi dolor
e anxietate

Illos conta del mundo
submerge me in le fluvio de mille pensatas
intona quartas, quintas e accordos
devora le silentio

Illos sempre conta nove cosas
Canta sempre nove cantos
ma le intonation e le scalas
sempre son le mesme

Sensationes meditative

Al bordo del silentio
quasi son audite
le molle susurros del Deo

Molliate metaphoras

Le yogurt es al tabula
aures cerca aqua
oculos mangia historia

Le dentes mira
buccas parla idiomas incognite
Omnes comprende toto

Le alveo es plenate
Grande expectationes
aqua calide

Molliate metaphoras
gutta al lanterna de argento
Mi pedes se transforma a un catto
Le scorpiones susurra

Io consola le plantas tote le die
usque al nocte

Io reposa in un flor