Commendant Elephant

Commendant' Elephant':

animal tant' pesant' 

Nunquam es charmant' 

Mult' bombastic, arrogant' 

 

Ille ha un grand' armea  

con soldatos araneas 

Mille ha cannones 

operate per miniones 

 

Ille ha multe bombas 

con grandor de columbas 

Le flotta de submarinos 

nata in bassinos

 

Ebrie hallebarderos  

duce bombarderos 

Somnolent' nigre cattos 

duce aviones de combatto 

 

E omne le naves de guerra 

reman' al solide terra 

e le missiles ballistic

es in manos separatistic

 

In vice de fusilar 

cata militar fusil 

solment' pot’ scintillar 

sonante samba de Brasil  

 

Cata un que usa un arma 

crea difficile karma 

Alor' le buddhistas 

remane pacifistas 

 

In vic’ de un bayonetta 

cat' soldat' ha un furchetta,

non vole combatter,  

ma mangiar e biber 

 

Commendant’ Elephant'  

ha un non functionant' 

armea e armada 

solment’ pro paradas

Ballerina Mandolina

Ballerina mandolina 

Belle donna, multo fina 

Quando dansa, anque canta 

In le pausa, bibe Fanta 

 

Ballerina mandolina 

Sexy como Cicciolina 

Omne viros la desira 

Incantate, illes mira 

 

Quando illa monstra suave

ballets legier e anque grave

Basios illa jecta centos  

que dispare con le ventos 

Homo Pomo

Como Homo Pomo 

face iste sono?  

Ille prende piras, 

torna los in bira  

Adde cardamomo,

un poc de cinnamomo,

prende su grande lyra,

jecta lo al pyra

E pois al pyra

bulli le bira

e Homo Pomo

ama le sono

de bira evaporante,

al pirieros condensante

Le cyclo es plenate

Homo Pomo es grate

Professor alligator

Professor alligator 

es un passionate lector 

Multe libros ille devora 

In bibliotheca semper demora 

 

Libro post libro post libro dispare 

Vacuitate plena le plancas 

Tosto tote libros manca 

ma le alligator satiate pare 

Mea Bea Aranea

Mea Bea aranea 

Fila rete inter petras 

Quando illa ha finite 

Veni sonos ex le detra 

 

Chiccolito le mosquito 

Capturate, ille plora 

Mea Bea aranea 

Dice: Wi-Fi tu favora? 

Pica pica

Pica pica poco poco picca Pan paniscus

Pelecanus philippensis pesa Pyrrhura perlata

Phocoena phocoena palpa Papio papio

Panthera pardus perde parve Passer pyrrhonotus

Pangasius pangasius pana Pangio pangia

Pipistrellus pipistrellus pipa piemente

Prionailurus planiceps plana plure projectos

Philodromus praedatus publica pathetic pamphletos

Cosas non interessante

Lo frustrante con troppo de labor

es que manca tempore pro amor

Tu debe facer cosas non interessante

in vice de projectos amusante

In vice de scriber poemas suave

tu debe nettar assi como un sclave

In vice de componer tu sexte sonata

tu debe preparar le grec salata

In vice de leger Paulo da Costa

tu debe percurrer le damnate e-posta

In vice de promenar se in le silvas

tu debe de novo facer le compras

Sed al fin veni un die toto libere

pro facer quecunque del matino al vespere

Tu lo plena con musica e poesia

e subito absente es le asthenia

Pois tu te sede con un libro dense

que tu voleva leger desde menses

e pensa que iste bellissime die

troppo rapide passava, Deo mie!

Al mesme tempore tu es inquiete

e vole retornar al labor, al rete

Un die libere es meraviliose

ma un vita libere serea tediose

L'peculiar virus computatorial

Ant du dies, un mult peculiar virus computatorial h'attaccat m'computator. Ill solment h'un function, qu es tot irrational e inexplicabil: ill remov tot l'vocales final in m'textos in Interlingu. Ill solment l'fac in textos in Interlingu, e solment remov l'vocales final in parolas con al minus du litteras. Quand i essay adder l'vocales d'nov, illos h'disparit l'sequent vic quand i aper l'files.

I usav vari programmas antivirus e facev profund analyses del system operativ, del disc dur, programmas e files, m'toto sembl esser in ordin. L'virus es perfid e s'cel. On solment pot detectar s'presenti per observar l'damnos qu'ill lass.

I h'succedit inserer apostrophes, qu'adjut l'comprehensibilitat e amelior l'aspect visual. L'textos pot esser ben comprendit, post un poc d'accostumation. L'fact es qu l'remover del vocal final h'cambiat l'character del lingu e quas creat un nov dialect d'Interlingu. Ill possed s'propri charm. L'parolas es plus brev. On pot parlar plus velocement e l'rhythm del lingu s'cambiav. Ill non plus es tant similar a italian o espaniol, m'in vic a frances o catalan.

Deman un bon amic m'visitar. Ill es un expert d'computatores. Ill v'probar remover l'virus. Si ill non succeder, i haber du alternativas:

1. Jectar vi l'computator e comprar un nov

2. Continuar scriber in Interlingu in ist nov dialect peculiar

Qu pens vos? Qual del du alternativas es melior?

Le urso de Interlingua

Onto humoristi

Santiago de Uba, 11 april 2124

Nostre protagonista es un urso. Omo in le fabulas, ille funtiona preisemente omo un homine. Ille se appella Arlos Astro, ha 20 annos, labora in un offiina e ha multe interesses.

Su primari interesse es viagiar. Ille ha visitate multe paises, inter alia Anada, Ambodgia, Hile, Olombia e Hina. Ille ama ir al afé e joar anasta on su amios.

Un die ille legeva un annunio in le jornal:

"Le Union Planetari pro Interlingua invita omne interessatos al Onferentia international in Openhagen. Il habera ursos pro omeniantes, ursos de onversation, disursos e exursiones. Insribe vos hodie e paga immediatemente pro apprender le plus faile lingua del mundo in solmente tres dies!

Arlos deveniva plenate de enthusiasmo. Ille se insribeva al onferentia e in julio del mesme anno ille viagiava a Openhagen. Le Onferentia esseva organisate in Hotel Asino Royal. Le organisator in hef, Hristian Aspersen, ordialmente salutava Arlos e le ento altere partiipantes.

Un multo amabile femina nominate Inderella Apui gereva le urso del omeniantes. Primo, le studentes debeva apprender le alphabeto.

-Le prime quatro litteras del alphabeto de Interlingua es a, b, d. Repete on me: a, b, d, dieva Inderella.

-A, b, d, repeteva le studentes.

Arlos levava su braio.

-Si? dieva Inderella.

-Le maestra dieva que isto es le prime quatro litteras, ma solmente presentava tres litteras.

-Io me gaude que vos poneva iste demanda! Le ausa es que le anian tertie littera es extinte. Isto ourreva ante tu nasentia e esseva ausate per le ambios limati. Multe speies ha essite extinguite durante le undas de alor, inundationes e periodos de extreme siitate. Isto mesmo olpava le tertie littera. Isto ha hoate tote le alphabeto e ausate grande damnos al orthographia e omprensibilitate del textos. Le plus brillante sientistas ha probate revivifiar le tertie littera on varie experimentos geneti, ma habeva nulle suesso.

Arlos apprendeva Interlingua e ganiava multe nove amios al onferentia. Postea ille retornava a Uba e ontinuava su vita quotidian.

Ma ille non poteva finir pensar del disparite tertie littera. Omo revivifiar lo? Arlos pensava super su harateristias. Omo illo aspetava? Omo illo esseva pronuniate?

Post longe tempore ille trovava le solution:

Le tertie littera esseva un ompliate organismo e dunque non poteva superviver le ambios limati. Isto signifia que illo de fato onsisteva de duo onsonantes, assi omo un gemino siamese. In altere parolas: un digrapho. E iste duo onsonantes habeva supervivite in le initiales del tertie littera: T L. Isto es pronuniate assi omo in le parola anglese "antler" que signifia "orno del ervo".

Tlarlos informava le autoritates super su spetltatlular distloperta. Le nova pertlurreva tote le mundo e omne le stlriptores e jornalistas esseva extatitl super le fatlto que le alphabeto de novo esseva tlomplete.

Tlarlos deveniva famose e fatleva un belle tlarriera. Al fin ille deveniva le ministro de edutlation in le governamento de Tluba.

E assi fini le tlonto del urso Tlarlos Tlastro, qui revivifitlava le extinguite tertie littera.

Cocleares girante

Duo cocleares gira

sur duo vitros reverse

Metallic derviches

approfundate in un extatic

adoration culinari

del deo del cibo

del qual le fragrantia

plena le cocina

e le cameras vicin

Le cocleares gira

in tempos differente

Illos entra et exi

del phase commun

Poco a poco

illos decelera

pro finalmente arrestar se

in immobile contemplation

super satiate gentes

que bibe caffe

Un familia peculiar

 

Papa Gallo

Mamma Galla

Le fratre e le matre

adora granpatre

Le soror: sin honor

Al cosina

manca vitamina

Le protagonista

es un professionalista

ma le genitores:

amatores

Le burla judee

 

Un judeo in New York entrava un restaurante chinese e ordinava blintzes.

-Nos non servi iste platto, diceva le servitor. Ma in vice, conta me un yiddishe burla!

-Ben, ecce un burla, le judeo diceva:

"Un italiano entrava un pub irlandese, e ordinava pizza.

-Nos non servi tales, diceva le barman. Ma in vice, conta me un burla italian!

-Ben, ecce un burla, le italiano diceva:

-Un irlandese entrava un pizzeria e ordinava whisky.

-Nos non servi iste bibita, le servitor diceva. Ma in vice, conta me un burla irlandese!

-Ben, ecce un burla, le irlandese diceva:

-Un italiano entrava un pub irlandese..."

-Stoppa! interrumpeva le servitor chinese, isto non es un yiddishe burla!

-Sape tu, mi amico, que tu nunquam recipe lo que tu ha ordinate?

Le porco de sparnio

 

Le homine es como un porco de sparnio

Cata die es un moneta,

jectate a in ille

Ille deveni de plus in plus pesante

Saltar, currer e camminar

deveni sempre plus difficile

Quando le porco de sparnio es plenate

illo cade al solo e se rumpe

Immediatemente le infantes

se grega circum illo

pro rapinar le monetas

Le anniversario de un monstro

Le calendario

monstra

le anniversario

monstruose

Le presentes

es presente

Le donos

face sonos

Le torta

ha torto

Le candelas

non es candide

Le ballones ancora

imballate

Le hospites quasi

hospitalisate

Le monstro celebrate

senti grande felicitate

quando on intona le canto,

allegro ma non tanto

Le melodia es avantiate

quando al tonalitate:

cata un ha su proprie scala,

alcunos mesmo

un scala portabile...