Sep 21, 2011

Toccar le eternitate

Esque tu unquam ha toccate le eternitate
con le flamma febril de tu pensatas?

Te submergite in le oceano intemporal
pro perder tu anima lugubre?

Cavalcate le salvage cavallos de luxuria
al tempestas electric del ecstase?

Mirate le sol ardente
usque tu facie era transformate del foco?

Trovate le morte in le oculos de tu amante
e cadite in le abysso del despero?


Pro postea con fatiga
scander in alto
pauc a pauc
sudante e tremulante
exhauste e assetante
escate del scintilla de spero
ibi al distantia
supra te

No comments:

Post a Comment