Le oceano interne

 

Ha tu discoperite le oceano

que es celate in tu anima?

Le illumination disvela

un mundo incognite

Ubi esseva obscuritate

nunc es profundos immense 

Ha tu vidite como le mundo externe

es reflectite in le oceano interne?

Ha tu contemplate le coruscation

de mille micre undas?

Ha tu camminate al litore

del oceano interne,

sentite le vento que porta con se

fragrantias quasi oblidate?

Le aves del passato

vola in distantia

Sub le superficie 

attende patientemente

le balenas del futuro