Besonio e desiro

 

Io te besonia

ma heri io non sapeva

que tu existe

Tu evelia celate passiones

Tu personifica lo que me mancava

Tu plena un vacuitate

que io non sapeva existeva

Es tu solmente un catalysator de mi besonios?

Solmente un corpore que evelia desiros?

Io non vole que serea assi

Io vole mirar te in le oculos

e sentir tote tu humanitate,

incontrar te como un persona equal

e dar te toto lo que tu besonia

e voluntarimente reciper

toto lo que tu me da

Que es besonio e que es desiro?

Io non sape le differentia

Io solmente sape que io te besonia

Mi spirito besonia e mi corpore besonia

e mi spero es iste:

que tu senti le mesme cosa