Amor sin responsa

 

Amor sin responsa, qual dulce dolor

Nunquam florescera le suave flor

Le corde rumpera, le spirito cadera

Cata vice via de me tu vadera

Toto io te voleva dar

Tote le terra, tote le mar,

stellas brillante del celo clar

Omne cosas tu osava refusar

Io te mira de distantia con oculos suspirante

e compone poemas plenate de melle

pro monstrar te mi sentimentos scintillante

e crear pro nos un mundo belle

Amor sin responsa, un petra pesante

in le thorace del amante refusate

Mi amor non mori, nonobstante

mesmo si cata momento io sape

que nunquam tu amara como io lo face

Tu non ha le corage, tu non es audace

Ma supervivera mi spero e mi sonio

del impossibile union e matrimonio