Io es calme al superficie
e non pote incontrar
mi sentimentos justo nunc
si le plorar venirea
illo serea infrenabile
ma isto occurrera un altere vice,
quando le homine con le falce
ha disparite detra le
horizonte
Le telephono non plus sona tanto sovente
Io pensa del voce que ha mutescite
durante que io perspice le cosas que remane
le majoritate va esser jectate via
ma certe cosas
io vole conservar
Le penna es mi
amico
Le papiro es mi
amico
Illos me adjuta plenar le vacuitate
con le litteras, le parolas
e le lingua que io ama
No comments:
Post a Comment