Velas texite
de secrete sonios
Le mast crepita,
ma le cordas e nodos
son bastante forte,
illos durara
quando le mar
nos cruciara
Detra nos dispare
le litores roccose
blanc cretose,
illos funeste appare
Le laros deride
marineros del alto
questionante lor fide,
simulante assaltos
Nos naviga al west,
ubi le lecto es
del sol, ubi su radios
luce como gladios
Le stellar luce
e le ventos nos duce
al incognite terra,
que nos non erra!
Obscur son le aquas,
reflectente le nimbos
Undas cela pisces:
squalos e rhombos
Odores salin
de algas marin
pincia le nares
del tubinares
Nos naviga al west,
ubi le lecto es
del sol, ubi su radios
luce como gladios
Le stellar luce
e le ventos nos duce
al incognite terra,
que nos non erra!
Le pena, le defiantia
provoca e da fortia
a vincer le distantia
Nove terras nos advoca
Qui nos attende
al altere latere?
Que portara
le viros al litore?
Nos naviga al west,
ubi le lecto es
del sol, ubi su radios
luce como gladios
Le stellar luce
e le ventos nos duce
al incognite terra,
que nos non erra!
