Libertate perdite

Tanto longe que on es libere

on non sape le parola libertate

Solo quando on deveni submittite

on cerca parolas

pro lo que on ha perdite

Libere sclavo

Tu non es toto libere

ma anque non toto submisse

A vices tu passa

limites non plus intimidante

e a vices discoperi nove

Tu es le liberate sclavo

e le opprimite homine libere

dunque un die

tu apprendera

aperir portas claudite

ma ignorar le serrate

al via verso le fenestra

al ultime etage

Liberate

Io cadeva al campo de battalia

jaceva longemente in agonia

e quando illo subsideva

io me levava

e vadeva verso le mar

Vidente que le limite

inter mar e celo era radite

io sapeva que io es liberate