Transformar le mundo con odio

Certe personas potente

transforma le mundo con odio,

lor spiritos sepelite

in le fundo del inflate egos

Illes es cec

e destrue bon cosas,

edificate durante generationes

e nutriente prosperitate

Le historia se repete

Suffrimento nos attende

Esque tu pote sentir mi timor,

mi belle perla nigre?

Le triumpho del odio

 

Hodie le odio triumphava

ma un die illo va

destruer se mesme

Gladio glacial

Le gladio glacial del odio
devenira fundite
per le flamma del compassion

Odio

Io te odia

e tu me odia

Le odio causate

de pusillitate

Nos ambes

amar vole

le un le altere

ma non pote

dar amor

ante que nos

vince le pavor

Quando le momento

venira, del cambiamento?