Mangia suppa con bastonettos

Mangia suppa con bastonettos,

un gutta post le altere

Le vermicelli ha finite

e le ovo non ancora es ponite

Bicycla sin pedales,

curre dum tu sede

Tu non pote frenar

e cade in le arbustos

in le fin del collina

Scribe un libro sin computator,

sin papiro, penna o machina de scriber

Memorisa lo, recita lo

e spera que alcuno ascolta

Vade al schola sin apprender

Face como le parolas del inseniator

es cantos sin senso,

formate de hallucinationes torquite

Vade a retro trans le stratas

e face como le tempore lo anque face

Reguarda como le guttas de pluvia

dispare in alto, verso le nubes

Face lo que tu vole, ma io pete:

non lassa un mano artificial scriber tu poema

Tu parolas es solmente le tue

Non lassa necuno substituer los!