Feb 20, 2012

Le universo comenciava un jovedi

Le universo comenciava
     un jovedi, postmeridie
          dece-tres comma septe
                  milliardos annos retro

                  Isto occurreva

                  subito, imprevistemente                      
                  primo un fluctuation
                  del quanto in le vacuo 
                  e postea un rapidissime
                  silente expansion

                  Quarks e gluones,

                              memora vos iste tempore
                                            quando vos era
                                                         calide e libere?

                                                         Isto era ante

                                                         que vos era frigidate
                                                         e incatenate
                                                         in captivitate    

                                                         durante le inflation

                                                                   initial quando le spatio
                                                                              expandeva in quasi
                                                                                            perfecte symmetria

                                                                                            e in un fraction

                                                                                            del secunda deveniva
                                                                                            dece al vinti-octave
                                                                                            potentia vices
                                                                                            major que su
                                                                                            grandor initial

                                                                                            Ma in iste symmetria 

                                                                                 se dispersava fluctuationes:
                                                                     iste semines
                                                            del futur structura cosmic

                                                           Le quarks deveniva

                                                           hadrones, leptones
                                                           e postea atomos

                                                           e le materia continuava

                                                 expander a un altissime
                                       velocitate pro plenar
                               le vacuo con spatio

                               Le resto es,

                               como on dice,
                               historia:
                               nebulosas, stellas
                               e galaxias nasceva

                               Ma nihil pote

                    esser comparate
         con le prime
tempore del pioneros

Ergo, le jovedi veniente:
que nos toasta
in Champagne!

No comments:

Post a Comment