Bella e Stella

 

Duo pueras viveva in village

Le prime se nominava Bella

e le secunde, su amica, Stella

Cata un habeva un avantege

Bella era belle, e Stella sage 

Le prime dulce como un prunella

Le secunde studiava in citadella

e scribeva interessante reportages

Illas amava le mesme viro

Ille esseva astute, elegante

e tote le duo voleva maritar

A Bella dava un sapphiro

E a Stella, lucente diamante

- ambe cordes poteva conciliar