Sonetto intime

 

Io lassa tu amene voce caressar

mi aures, que suspira ad audir tu verbos

e ama le tocco de tu molle garbos

Tu canto me cuna como undas del mar

Cata die io te vole imbraciar

Premer mi labios contra tu labios

Nihil altere, nulle cambios

Nocte e die, io te sempre vole amar

In tu aure io susurra parolas

que te face rubescer, un poco rider

Tu respiration deveni intense

Tu cute molle fragra de violas

Lassa me basiar lo, mi labios arder

cata hora, die, septimana e mense