Apr 5, 2013

Grammatica elegante

Facilitate es libertate:
Le lingua facile flue liberemente
Io collige le verbos regular
e los forma in mi manos
como argilla artistic
et assi figuras se forma:
sculpturas lingual

Le grammatica nunquam
obstrue le via
ubi parolas passa
Illo nunquam distrahe
inspirate pensatas
in su fuga elegante
a destinos inexpectate

Le grammatica de Interlingua
es como un elegante
formula mathematic:
illo da le maxime functionalitate
con le minime effortio

No comments:

Post a Comment