Mar 7, 2012

Intra me mesme


Toto lo que io besonia
es trovabile intra me mesme
Io trova in le fundo de mi anima
le calme oceano de pace
Io trova in le fundo de mi anima
le ardente sol del gaudio

Respiration es le rhythmo de mi vita
relaxate e profunde respiration
Io plena mi pulmones con aer
e mi corde con compassion

Compassion con toto vivente
de que io es un integre parte
quando io radia amor al mundo
le amor a me mesme finalmente reveni

Toto lo que io besonia
es trovabile intra me mesme
proque in le fundo de mi anima
io porta tote le amor del mundo

No comments:

Post a Comment