Mar 24, 2019

Le celo senti pace



Le domos del homines
es circumferite
de arbores glacial
In frigor, an il ha pace?

In lectos de gente
e ultra le nubes
on trova calor
sed etiam anxietate

Lente, tepide
rhythmic passos
a pena son audite
presso le casa

Nocte e die
se ha fundite
Credentia e dubitas
ha parturite
sagessa quotidian

An odio e amor
se ha neutralisate
creante indifferentia?

Iste question non preoccupa
le lente camminator
qui jam ha vidite
tante arbores,
qui jam ha passate
tante domos,
sudate durante le dies,
de nocte habite frigido,
sed sempre continuate
camminar, camminar

Le celo senti pace

No comments:

Post a Comment